Hádújúlækæsland???

Hádújúlækæsland?


Meðan fólk hér um slóðir bjó í moldarkofum, eltu og veiddu dýr sér til matar, þá ríkti menning austur í Kína. Til að forðast forvitni og ágang villimanna þá reistu þeiir múra í kring um landið.

Á fyrri hluta 20. aldar þá gegu ýmsir menn í Þýskalandi með þá hugmynd, að þeir sem voru af hinu eðla kyni “Aría” væru vitrari, fallegri, duglegri, hreinræktaðri og stæðu að öllu leyti öðrum framar.
Þeir reistu ekki múra í kringum sig, en í staðin tóku þeir sig til og útrymdu ótöldum milljónum manna, að því eð virðist til að koma í veg fyrir að hinn eðli kynstofn “Aría” myndi mengast og óhreinkast af öðrum.

Þetta eru bara tvö dæmi af ótal mörgum um allan heim.


Allt þetta fellur í skuggan og verður hjóm eitt miðað við þá undursamlegu opinberun sem við höfum mátt reyna hér á Íslandi á 21. oldinni.
Þessi opinberun kristallast í skýrslu nefndar sem forsætisráðherra skipaði í nóvember 2007.
Nefndin gaf skýrsluna út í mars 2008.

Heiti skýrslunar var “Ímynd Íslands styrkur, staða og stefna”. Skýrslan sem er 88 blaðsíður að lengd, en  hefði ekki þurft að vera meira en ein blaðsíða, vegna þess að efnislega er hún endurtekning á því sama síðu eftir síðu, þótt framsetningin sé frá ýmsum hliðum og sjónarhornum.
Sumir eru gagnteknir af hrifningu yfir efni skyrslunar en aðrir virðast líta svo á  að hér sé ótrúlegur þjóðernisrembingur, sjálfumgleði, mont og skortur á hógværð á borð borin.
Eg læt öðrum eftir að leggja á það mat.

Í skýrslunni er til dæmis sagt:

“Mikilvægt er að tryggja að Ísland verði áfram „best í heimi“ – land sem býður þjóð sinni
mestu lífsgæði sem völ er á. Forsenda þess er að skapa skilyrði fyrir fjölbreytt, framsækið
þekkingarsamfélag sem skarar fram úr á sviði sjálfbærrar nýtingar hreinnar náttúru, kraftmikils
atvinnulífs, frumlegrar menningar og skapandi mannauðs.”

Nefndin leggur til að ímyndaruppbygging Íslands miði að því að skapa jákvæða og sterka
ímynd af fólki, atvinnulífi, menningu sem og náttúru.

Upplýsingaöflun á vegum nefndarinnar sýndi að Íslendingar segjast vera duglegir, bjartsýnir,
áræðnir og búa yfir náttúrulegum krafti og frumkvæði sem einkennir atvinnulíf og menningu
landsins. Náttúrulegur kraftur er aflið sem þjóðin nýtir til að tryggja hagsæld og byggja frjálst
og friðsamt samfélag til framtíðar.



Ennfremur segir skýrslan um ímynd Íslands!:

“Sterk, jákvæð ímynd er náttúruleg nauðsyn hverri þjóð. Hún byggist á eiginleikum fólks,
menningarlífi, samfélagsgerð, atvinnulífi og stjórnskipulagi. Henni má í raun líkja við
viðskiptavild sem laðar að fólk, fjármagn og hugmyndir og er efnahagslífi þjóðar nauðsynleg.
Um leið dregur slík ímynd úr áhrifum áfalla sem á þjóðinni dynja, smárra og stórra.
Vel ígrunduð og samhæfð vinna að uppbyggingu ímyndar þjóðar getur sameinað hana og
vakið upp viðeigandi þjóðarstolt því að jákvæð ímynd getur styrkt sjálfsmynd þjóðarinnar,
hvatt hana til dáða og stemmt stigu við þekkingartapi sem mörg smærri samfélög hafa
upplifað á sl. áratugum með brottflutningi sérhæfðra starfsstétta og aldurshópa”.

„Erum kraftmikil þjóð, vel menntuð og hér ríkir mannréttindi á öllum sviðum...“


"Kraftur og fjölbreytt fegurð íslenskrar náttúru endurspeglast í menningarlífi þjóðarinnar og
skapar henni sérstöðu. Kraftmikil atvinnusköpun, tjáningarfrelsi, öryggi og frelsi til athafna
einkennir stjórnkerfið, atvinnuhættina og samfélagið. Óbeisluð náttúruöflin eiga sér líka
hliðstæðu í agaleysi og oft og tíðum djarfri og óútreiknanlegri hegðun Íslendinga. En þessa
eiginleika ber ekki að hræðast því þeir hafa gegnt veigamiklu hlutverki í lífsbaráttu þjóðarinnar.
Þeim ber fagna og þá ber að nýta."

Í skyrsluni eru tekin upp nokkur slagorð:

Náttúra – Kraftur: Einstök upplifun - Umhverfisvæn orka
Náttúra - Frelsi: Frelsistilfinning - Hreinleiki.
Náttúra – Friður: Umhverfisvernd og sjálfbær þróun.
Fólkið – Kraftur: Dugnaður - Áræðni.
Fólkið – Frelsið: Sjálfstætt fólk.
Fólkið – Friður: Friðsælt og öruggt velferðarsamfélag
Atvinnulífið – Kraftur: Frumkvöðlaandi. Menntun og nýting náttúruauðlinda.
Atvinnulíf – Frelsi: Frjálst viðskiptaumhverfi.
Atvinnulíf – Friður: Lýðræðisríki með traustum innviðum.
Menningin – Kraftur: Mikil þátttaka og gróska - Sköpunargleði.
Menningin – Frelsi: Frjálsleg hugsun og hegðun.
Menningin – Friður: Friðelskandi þjóð.


Ekki er ástæða til að tyggja meira upp úr skýrslunni, enda er hún öll í sama dúr.

Trúfélög og áreitni

Trú

 

 

 

Ég skil þetta ekki!!!

Er það ekki mál dómstóla, sakaóknara og ef til vill barnaverndayfirvalda hvernið farið skuli með mál um kynferðislega áreitni og/eða eitthvað þaðan af verra .

 

Af hverju eru truarsöfnuðir; hvort það er þjóðkirkjan eða aðrir trúarsöfnuðir; að skipta sér af svona málum.

Svona mál koma trúarsöfnuðum ekkert við!!!

Ef einhverjir innan trúarsafnaða verða varir við svona hluti þá ber þeim að vísa aðilum til lögreglu og/eða eftir atvikum til barnaverndaryfirvalda.

Hvorki eiga þeir að beita þöggun eða sega fyrirgefðu fyrirgefðu fyrirgefðu.

 

Hlutverk þeirra innan trúfélaganna er að sjá fólki sem er í sama trúfélagi fyrir trúarathöfnum; messum og þessaháttar en ekki að hræra sér inn í vandamál sem koma þeim ekkert við.

Ekki skiptir máli hvort gerandin er prestur, biskup eða einhver annar. Þeir eiga að beina hlutum í réttan farveg.

Leikskólar og trú

                                            Leikskólar, trúarbrögð og siðfræði.

 

Evangelis trú. Katólsk trú, síamuslimsk trú, sunnimuslimsk trú, búddisk trú, bramisk trú, sintó trú, rúsnesk rétttrunaðar trú, ása trú og svo framvegis.

Þetta er bara lítið brot af trúum sem hræra saman gott siðferði og trú.

Hversvegna eru menn svo vissir um að sú siðfræði sem, er hrærð saman við þessa svonefndu "evangelisku trú" sé betri og skynsamlegri en siðfræði sem er hrærð saman við önnur trúarbrögð eða siðfræði sem er algerlega ótengd trúarbrögðum.

Það er grundvallar misskilningur að trú og siðfræði sé órúfanleg. Það er hinnsvegar þannig að þeir menn sem móta hin ýmsu trúarbrögð, reyna eftir föngum að fastmóta trúna og siðfræðina í órjúfanleg bönd, í þeim tilgangi að ekki verði greint á milli trúarinnar og siðfræðinar.

Raunar var það svo hér áður fyrr að steypt var saman í eina heild, almennum borgaralegum lögum, siðfræði og trú. Með þeim hætti var betra að halda uppi ríkisheildum, efla samstöðu, fá fólk til að sætta sig við stöðu sína og að öðru leyti móta fólk í eitt form.

Í stjórnarskrá Íslendinga er tekið skýrt fram að trúfrelsi sé hér á landi og að ekki skuli mismunað fólki. Því skiptir hvorki máli hvort trúarflokkar eru fjölmennir eða ekki né hvort um er að ræða þjóðkirkju eða ekki.

Þjónar þjóðkirkjunar, sem er "evangeliskur lúterskur sértrúarflokkur" virðist hafa gengið hart fram í því að ýmsar borgaralegar stofnanir eins og til dæmis leikskólar og aðrir skólar líti á það sem sjálfsagðan hlut að þeir geti vaðið um þessar stofnanir í þeim tilgangi að boða þessa sértrú sína. Þeir krefjast þess að þeim sé heimilt að láta preláta sína boða börnunum trú sína; að þeir megi láta börnin taka þátt í bænahaldi og sálmasöng í skólunum, þrátt fyrir að þessar stofnanir séu borgalegar og sé ætluð börnum af öllum trúflokkum ásamt þeim sem eru trúlausir.

Hinnsvegar geta þessir þjónar kirkjunar ekki fellt sig við að aðrir sem trúa einhverju öðru eða eru ekki trúaðir geti haft sambærilegt tangarhald á þessum stofnunum. Þetta er réttlætt með þeim rökum að þeir séu svo fjölmennir og svo siðvæddir. Engin siðvæðing sé til í alvöru nema hin eina sanna "kristna siðvæðing". Allir aðrir eru meira og minna villitrúarmenn, heiðingjar og siðlausir. Er þetta ekki alveg dásamlegt hmmmm? Mikið rosalega erum við heppin að vera svona óskaplega kristin og svona rosalega evangelisk og svona dásamlega lútersk.

Hugsið ykkur hvað það væri hræðilegt ef við værum til dæmis allir búdda trúar. Þá væri hér allt í siðlausri eymd og volæði, gráti og gnístran tanna með eilífu táraflóði. Siðleysið myndi ráða hér ríkjum og menn myndu vega hvorn annan bara til gamans.

Ef einn trúflokkur fær svona góða aðstöðu eins og virðist vera sumstaðar í skólum, þá verða aðrir trúflokkar að fá samskonar aðsöðu til að stjórnarskráin sé virt.

Að endingu!

Það er ekki verið að tala um að taka "litlu jólin" eða jólasveinana af börnunum. Þar er um að ræða frámuna lélegan og leiðinlegan vælukór ekki samboðin þjóðkirkjunni. Það er heldur ekki í samræmi við það siðgæði sem þeir kalla "kristilegt siðgæði".

Fjárlagafrumvarp

Fjárlagafrumvarpið

 

 

Fréttamaður:

Ert þú samþykkur fjárlagafrumvarpinu?

Ráðherran:

Við hjá "vinstri grænum" erum alltaf tilbúin að styðja ríkisstjórnina um allt sem til bóta getur talist. Eg vil að það sé alveg á hreinu að við stöndum að baki stjórninni um allt sem er gott og jákvætt. Það þarf engin að velkjast í vafa um heilindi "vinstri grænna" gagnvart þessu stjórnarsamstarfi í öllum góðum málum.

"Vinstri grænir" eru ekki flokkur sundrunga og ósættis, enda stendur hann heill og óskiptur að baki öllu því sem vel er gert í þessari ríkisstjórn. Ef einhver heldur því fram að "vinstri grænir" sýni einhver óheilindi í þessu stjórnarsamstarfi þar sem um er að ræða góð mál, þá er það alger misskilningur.

Eg veit ekki um neinn annan stjórnmálaflokk sem auðsynt hefur meiri heilindi og meiri stuðning við ríkisstjórnina í öllum góðum málum heldur en "vinstri grænir".

Fréttamaður:

Ert þú samþykkur fjárlagafrumvarpinu?

Ráðherran:

Eg er búin að margsvara þessu, þannig að það hlýtur að vera á hreinu.

Fréttamaður:

Ert þú samþykkur fjárlagafrumvarpinu?

Ráðherran:

Hve oft á ég að þurfa að svara sömu spurningunni?

Fréttamaður:

Ert þú samþykkur fjárlagafrumvarpinu?

Ráðherran:

Ef ég á að vera algerlega hreinskilin þá skal ég taka fram svo ekki sé um að villast, að svar mitt við þessari spurningu er svo skýrt að engu er þar við að bæta.

litið heilstatt á hlutina

Alþingismenn

 

 

Fyrirspyrjandi:

Hvað eigum við að gera í sambandi við skuldavanda heimilana?

 

Alþingismaður:

Ég er þakklátur fyrir að fá að svara þessari spurningu. Það verður að líta heilstatt á hlutina og leysa skuldavanda heimilana. Það er mál numer eitt! Tvö! Og þrjú! Þessi ríkisstjórn hefur akkúrat ekkert gert.

 

Fyrirspyrjandi:

Hefur þú einhverjar skoðanir sjálfur persónulega hvernig á að leysa skuldavanda heimilana?

 

Alþingismaður:

Ég er þakklátur fyrir að fá að svara þessari spurningu. Það verður að líta heilstatt á hlutina og leysa skuldavanda heimilana. Það er mál numer eitt! Tvö! Og þrjú! Þessi ríkisstjórn hefur akkúrat ekkert gert.

 

Fyrirspyrjandi:

Hverjar eru þínar hugmyndir um hvernig á að leysa skuldavanda heimilana?

 

Alþingismaður:

Ég er þakklátur fyrir að fá að svara þessari spurningu. Það verður að líta heilstatt á hlutina og leysa skuldavanda heimilana. Það er mál numer eitt! Tvö! Og þrjú! Þessi ríkisstjórn hefur akkúrat ekkert gert.

 

Fyrirspyrjandi:

Er eitthvap sérstakt sem þarf að gera til að leysa skuldavanda heimilana?

 

Alþingismaður:

Ég er þakklátur fyrir að ........................

Harpa

Harpa

Nú er búið að útskyra fyrir mér svo ótrúlega margt varðandi fólk á Íslandi, einkanlega í sambandi við tónlistarviðburði.

Slíkir viðburðir eru fyrir fólk; nánar tiltekið menntað fólk, erlenda sendiherra og svoleiðis.

Þetta fólk á að hlusta á Beethoven, Mahler, Shostakovich og aðra slíka. Þetta er náttúrulega alveg dásamlegt. Útlendingar geta nú séð hvað fólk á Íslandi stendur á háu plani hvað snýr að tónlistarflutningi.

En nú er meiningin að stíga niður úr sölum hámenningar og flytja einnig tónlist fyrir "svokallaðan" almenning.

Flytjandi þessara tíðinda þekkir að vísu ekki þennan "svokallaða" almenning en hafði einhverntíma heyrt minnst á hann.

Eg ímynda mér að vegna þess að menn þekktu lítið til þessa fyrirbæris (þ.e. svokallaðan almenning), þá væri úr vöndu að ráða að velja tónlist við hæfi.

Þessvegna vil ég þar sem ég tilheyri þessum svokallaða almenningi, hér og nú leggja mitt á vogaskálarnar til að velja tónlist við hæfi:

1 Bjössi á mjólkurbílnum

2 Undir bláhimni

3 Gamli Nói

Sem aukalag má velja til dæmis "Óli Skans" og útskyra síðan að nú sé tímabært að klappa.

Þetta er áræðanlega nóg vegna þess að þegar þessum flutningi lýkur þá verður þessi svokallaði almenningur farin að ókyrrast allverulega og á þá ósk heitasta að hlaupa út á "Bæjarinns bestu" og fá sér "eina með öllu".

Velkomin í Hörpu.

Kraftaverk

Kraftaverk

 

 

 

Eg kom að Hofsósi um daginn til að skoða "Vesturfarasafnið".

Var með myndavél eins hinir túristarnir.

 

Þegar keyrt var niður að safninu þá byrjaði ég strax að taka ljósmyndir í allar áttir.

"Hver ætli búi í þessu húsi" sagði ég upphátt en þó eins og við sjálfan mig um leið og ég tók mynd af húsinu.

Sá sem sat fyrir framan mig í rútubílnum heyrði hvað ég sagði, og svaraði að bragði "þarna á heima Sigmundur nokkur Gunnlaugsson; alþekktur heiðursmaður og þingmaður með meiru".

Ég varð gagntekinn af fögnuði; nú á ég ljósmynd af húsinu sem hann Sigmundur okkar á heima í.

 

Þegar ég kom heim eftir vel lukkaða ferð í Skagafjörðinn þá ætlaði ég nú aldeilis að setja heimili Sigmundar ínn í tölvuna, en svo einkennilega brá við að myndin góða kom ekki fram. Hvernig mátti þetta vera? Gerði ég einhverja bölvaða vitleysu þegar ég var að "lóda" myndunum inn í tölvuna? Hvað var eiginlega á seyði?

 

Sem ég sat þarna og grubblaði yfir þessu einkennilega máli, þá laust yfir mig svarinu sem mér fannst koma til mín frá æðri máttarvöldum. Ég fyltist einhverjum einkennilegum léttleika og varð um leið alsæll eins og ég hefði höndlað ótrúleg sannindi!

 

Málið var að Drottin allsherjar hafði hrifið til sín ljósmyndina og numið hana með sér til himnasala.

Hann mun hafa látið stækkað myndina og ramma hana inn og síðan neglt hana á veggin fyrir ofan hásæti sitt.

 

Fyrir mér var þetta kraftaverk, sem ég get aldrei gleymt.

Orkuveita Reykjavíkur

Hlutverk Orkuveitu Reykjavíkur

 

 

 

 

Hvert er hlutverk OR ?

Er það að standa í einhvernskonar útrásum um allar jarðir?

Er það að fjárfesta í öðrum sveitarfélögum án þess að tryggja hag borgarinnar gegn tapi?

Er það að að reisa sér minnisvarða með því að byggja óþarfa stórhysi?

Er það að greiða Reykjavíkurborg arð?

Er það að útvega stóriðjuverksmiðjum á Suðurnesjum eða annarstaðar raforku?

Er það að sprengja upp launaviðmiðanir hjá borginni og með því að kaupa luxusjeppa undir kontorista?

Nei og aftur nei!

Hlutverk OR er eingöngu að útvega Reykvíkingum vatn og rafmagn með lámarks tilkostnaði.

Gjaldskrár eiga að miðast við að greiða rekstur, viðhald og nauðsynlega fjárfestingu á hverjum tíma.

Borgin á hinnsvegar að afla sér tekna með útsvörum og fasteignagjöldum, en ekki með arði af sölu raforku og vatni frá OR.

 

Það er ágætt að stofna nefndir til að fara í saumana á starfssemi OR til að finna út hvar og hvernig hlutirnir fóru úrskeiðis og hvers vegna.

Engin vafi er á því að niðurstaða slíkrar nefndar verður að stjórnir og æðstu starfsmenn OR hafa síðustu áratugina, með glýju í augum, gert allt það sem þeir ekki áttu að gera og staðið í allskonar hlutum sem ekki samræmdist hinu sjálfsagða hlutverki OR.

Útrásarvíkingar

Útrásarvíkingar

 

 

Við höfum heyrt talað um Talibana, Pol Pot, eiturlyfjabarona, mafiosa og fleira og fleira.

Hvað dettur manni í hug í sambandi við þessa fyra?

Hvað með til dæmis siðspillingu, þjófnað, óheiðarleika, veruleikafirringu, græðgi, drambsemi og fleira í þeim dúr.

Mér dettur alls ekki í hug að halda að eitthvað af þessu eigi við um útrásarvíkingana, enda eru þetta sannir heiðursmenn upp til hópa.

Er það ekki?

Stjórnmálaflokkar

Stjórnmálaflokkar

 

 

 

Hvað eru stjórnmálaflokkar?

 

Í Íslenskum lögum er talað um sjórnmálasamtök. Þá einkum um listakosningar og kjör þingmanna og þess háttar.

Að öðru leyti virðist hvergi vera nein afskipti um stjórnmálaflokka eða uppbyggingu þeirra, frá hendi löggjafans.

Málið er, að stjórnmálaflokkar eru samtök eða klúbbar einstaklinga sem hafa þau áhugamál að ná völdum og áhrifum á alþingi eða sveitarstjórnum. Þannig er, að félagafrelsi ríkir á þessu landi og stjórnmálasamtök lúta sömu reglum og önnur samtök.

Þessvegna er það alveg grátlegt að þegar t.d. alþingisþignmenn telja sig hafa skyldur eingöngu fyrir þann stjórnmálaklúbb, sem þeir eru aðilar að.

Þannig tala þingmenn gjarnan um "flokkin minn" og "skyldur gagnvart flokknum mínum" og svo framvegis.

Það er til dæmis orðin lenska að þegar þingmenn eða stjórnendur ríkisins vilja tilkynna "þjóðinni" eitthvað; t.d. afsökunarbeiðni á mistökum eða að þeir ætla að taka sér nokkurra daga frí frá opinberum störfum (að sögn "til að axla ábyrgð"), þá eru þessar tilkynningar einungis birtar eða framsagðar innan vébanda skjórnmálaklúbba, sem þeir eru aðilar að.

Maður skyldi ætla að eðlilegra væri að beina slíkum tilkynningum til almennings en ekki eingöngu inn á fundi hjá þeim stjórnmálaflokki sem viðkomandi aðili telur sig tilheyra.

Full ástæða er til að minna þessa þingmenn og/eða stjórnendur ríkisins á, að þeir eru á þingi fyrir almenning og að þeir stjórna ríkinu fyrir almenning, en ekki bara fyrir þau stjórnmálasamtök sem þeir eru aðilar að.

Einnig er ástæða til að benda á að þegar þessir stjórnmálaklúbbar verða mjög miðstýrðir og forystumenn þeirra sterkir, þá er eins og að aðalatriðið verði að ná í völd eða halda völdum, verði yfirsterkari en gagnsemi fyrir land og þjóð.

Niðurstaðan verður þá gjarnan sú, að stunda af miklum kappi það sem kallað er "átakapólitikk" á kostnað þess sem nefnd er "samstöðupólitikk".

Þetta er þeim mun átakanlegra í dag, þegar ærin ástæða er til að sýna mikla samstöðu.